குப்பிழான் கன்னிமார் கெளரி அம்பாள் சப்பறத் திருவிழா இன்று.

யாழ்.குப்பிழான் தெற்கு வீரமனை கன்னிமார் கெளரி அம்பாள் ஆலய வருடாந்த மஹோற்சவத்தின் சப்பரத் திருவிழா சித்திரைப் புத்தாண்டு நன்னாளான இன்று வியாழக்கிழமை(14.4.2022) இரவு-07 மணிக்குச் சிறப்பாக இடம்பெறவுள்ளது.

கடந்த-07 ஆம் திகதி முற்பகல்-11 மணிக்கு இவ்வாலய வருடாந்த மஹோற்சவம் கொடியேற்றத்துடன் ஆரம்பமாகித் தொடர்ந்தும் பத்துத் தினங்கள் இடம்பெற்று வரும் நிலையில் இன்றையதினம் சப்பரத் திருவிழாவும், நாளை வெள்ளிக்கிழமை(15.4.2022) முற்பகல்-10 மணிக்குத் தேர்த் திருவிழாவும், நாளை மறுதினம் 16 ஆம் திகதி சனிக்கிழமை முற்பகல்-11 மணிக்குத் தீர்த்தத் திருவிழாவும், அன்றையதினம் மாலை கொடியிறக்க உற்சவமும் இடம்பெறும்.