கடந்த காலங்களில் இலங்கையின் பல்வேறு இடங்களில் ஏற்பட்ட நிலநடுக்கங்கள் தொடர்பான தரவுகளைப் பெற்று நிலநடுக்க அபாய நிலைமைகளைக் காட்டும் வரைபடத்தை தயாரிப்பதற்கு புவியியல் ஆய்வு மற்றும் சுரங்கப் பணியகம் நடவடிக்கை எடுத்துள்ளது.
நிலநடுக்கம் ஏற்பட்ட இடம், அதன் அளவு போன்றவை இந்த வரைபடத்திற்கு சேகரிக்கப்பட்டு பயன்படுத்தப்படுகிறது. இலங்கையில் நிலநடுக்கம் ஏற்பட்டுள்ளதா என்பதை உறுதிப்படுத்த முடியும் என பணியகம் தெரிவித்துள்ளது.
அவ்வாறான வரைபடம் இதுவரை தயாரிக்கப்படவில்லை என பணியகத்தின் சிரேஷ்ட புவியியலாளர் நில்மினி தல்தேன தெரிவித்துள்ளார்.
2012ஆம் ஆண்டுக்கு முன்னர் நிலநடுக்கம் ஏற்படும் அபாயம் குறைவாக இருந்ததாகவும், இதற்குக் காரணம் நாட்டில் அடிக்கடி நிலநடுக்கம் ஏற்படாதது என்றும் கூறிய அவர், 2004ஆம் ஆண்டுக்குப் பிறகு நிலநடுக்கம் குறித்த தரவுகளைச் சேகரித்து அவற்றைக் கண்காணிப்பதில் கவனம் செலுத்தப்பட்டது.
நில அதிர்வு தரவுகள் பகுப்பாய்வு செய்யப்பட்டு இந்த வரைபடம் தயாரிக்கப்படும் என்றும் அவர் குறிப்பிட்டுள்ளார்.
உதாரணமாக, கொழும்பில் நிலநடுக்கம் ஏற்பட்டால், அந்த பகுதியில் நிலநடுக்கம் எப்படி உணரப்படும் என்பதை இந்த வரைபடம் சுட்டிக்காட்டும். இந்த வரைபடம் எதிர்காலத்தில் நிலநடுக்க அபாயத்தைக் குறைக்கும் ஆற்றல் கொண்டது.
இந்தியாவிலேயே இதுபோன்ற வரைபடம் தயாரிக்கப்பட்டு, இமயமலைப் பகுதியில் நிலநடுக்கம் அதிகம் ஏற்படுவது தெரியவந்துள்ளது.
இந்த நோக்கத்திற்காக, புவியியல் ஆய்வு மற்றும் சுரங்கப் பணியகம் பல்லேகலை, மஹகனதராவ, ஹக்மன மற்றும் புத்தங்கலவில் நிறுவப்பட்ட நில அதிர்வு நிலப்பரப்புகளிலிருந்து தரவுகளைப் பெறப்படுகின்றது.
மேல் மாகாணத்திலும் நில அதிர்வு அளவியை நிறுவுவது தொடர்பில் புவியியல் ஆய்வுகள் மற்றும் சுரங்கப் பணியகத்தின் கவனம் செலுத்தப்பட்டுள்ளது.